Ánnámáret Sámi musihkkavahkus Álaheajus

Ánnámáreha musihka beassá dan vahkus gullat stuorra konsearttas Álaheaju girkus Sámi álbmotbeaivve. Dalle lágiduvvo máŋgga šáŋŋeriid ovttastahtti konsearta, gos Ánnámáret, Anna Näkkäläjärvi-Länsman lea okta golbma solisttas. Son beassá lávket seammá lávdái guovtti sámi nissonartisttain, Kari Heimeniin ja Herborg Lundbergiin. Sin ovttasta sámi duogáža lassin musihka komponeren ja instrumeanttaid čuojaheapmi.

Herborg Rundberg lea komponista, pianista ja lávlu ja son lea eret Olmmáivákkis. Su mearrasámi ruohttasat oidnojit dan konsearttas ollu, go son lea válljen lávlut árbevirolaš mearrasámi sálmmaid. Kari Heimen lea lávlu ja perkuššuvnnaid čuojaheaddji ja son fas lea eret Álaheajus. Ruovttugirkustis son dan geardde ovdanbuktá iežas musihka, man sáhttá govvidit ambient-pop-rock-musihkan.

Ánnámáreha prográmmas leat su beakkáneamos lávlagat Ánnámáret Ensemble Gollehelmmot-albumas. Konseartta buot lávlagiid lea heivehan multi-instrumentalista Stein Austrud ja mielde leat čuojaheame musihkkarat Scene Finnmárkkus. Sanger om Luset -konsearta lea oassi Sámi musihkkavahkku -dáhpáhusa Álaheajus. Konsearta lágiduvvo 6.2.2019 dmu 20 (Norgga áiggi) Guovssahaskatedrálas Álaheajus.

Lassedieđut dáhpahusas:

https://www.facebook.com/events/726433664409535/